طالب الرئيس عبد الفتاح السيسي وسائل الإعلام بإلقاء الضوء على المشروعات القومية الحالية و"الإنجازات" لمنح الأمل للمواطنين.

وقال، في مقابلة مع الإعلامي أسامة كمال عبر التلفزيون الرسمي، "من حق الناس تشوف الخطوة الصغيرة وده دوركم (الإعلام). أقصد أقول يا جماعة يا بتوع الإعلام... النهاردة ده دور الإعلام عشان الناس تتطمن وعندك بدل المشروع ألف مشروع... ده اللي هيبني الأمل للناس اننا فعلا ماشيين بشكل عظيم مش جيد، ومش بقول ده عشان أنا في موقعي".

وعن مشاريع الطرق والكباري، قال السيسي "تجاوزنا الحديث عن هذه المشروعات"، مشيرا إلى أن جميع مشروعات الطرق تتم تحت إشراف القوات المسلحة وبالتوازي مع ذلك يتم وضع خريطة استثمارية شاملة.

وأوضح أن "جميع الطرق هتبقى مسؤولية القوات المسلحة، لأني فوجئت بوضع اليد على الأراضي".

وطالب السيسي جموع الشعب بالتحلي بالصبر وتحمل بعض الظروف التي تشهدها البلاد، وقال "أطلب منهم انهم يتحملوا شوية الظروف الصعبة اللي بنمر بيها ومحدش ابدا يقدر يفرق بينهم، ديه بلدنا كلنا، لما نبقى كتلة واحدة مع شوية صبر وعمل يبقى مفيش مشكلة هتقابلنا".